Магазин
Џенифер Анистон и Дејвид Швимер му оддадоа почит на Метју Пери
Џенифер Анистон и Дејвид Швимер се најновите членови на актерската екипа на „Пријатели“ кои му оддадоа почит на Метју Пери.
Двајцата актери споделија индивидуални објави за Пери на нивните официјални профили на Инстаграм, по објавите во вторникот од колегите Мет Лебланк и Кортни Кокс.
Пери почина на 28 октомври. Имаше 54 години.
Објавата на Анистон вклучува фотографија од неа и Пери, порака која ѝ ја испратил и видео клип од трогателна сцена меѓу нивните ликови во „Пријатели“.
– О, човеку, ова ме погоди. Збогувањето со нашиот Мети беше луд бран на емоции што никогаш претходно не сум ги почувствувалa. Сите ние доживуваме загуба во одреден момент од животот. Загуба на животот или губење на љубовта. Можноста да седите во оваа тага ви овозможува да почувствувате моменти на радост и благодарност што сте сакале некого со целото свое срце. И ние го сакавме со сето срце. Тој беше дел од нашата ДНК. Секогаш бевме ние шестмина. Ова беше избрано семејство кое засекогаш го смени курсот на тоа кои бевме и каков ќе биде нашиот пат, започна Џенифер, а потоа додаде:
„Што се однесува до Мети, тој знаеше дека сака да ги смее луѓето. Како што кажа и самиот, ако не ја слушне „смеата“ мислеше дека ќе умре. Неговиот живот буквално зависеше од тоа. И тој успеа да го направи токму тоа. Нè смееше сите нас. И се смеевме силно. Во последните неколку недели ги гледав нашите пораки. Се смеев и плачев, па повторно се смеев. Ќе ги чувам засекогаш. Најдов една порака што ми ја испрати неочекувано еден ден. Тоа кажува сè. (Види го вториот слајд…)“, продолжи Анистон.
„Мети, те сакам толку многу и знам дека сега си целосно мирен и без било каква болка. Зборувам со тебе секој ден… понекогаш речиси можам да те слушнам како велиш ‘можеш ли да бидеш полуда’. Почивај во мир, помал брату. Секогаш ми го разубавуваше денот…“, заклучила таа.
Дејвид Швимер, кој го глумеше Рос Гелер (братот на Моника и шура и средношколски пријател на Чендлер во „Пријатели“), објави фотографија од двајцата од серијата, каде што се облечени во стилот на осумдесетите, придружена со емотивна порака каде се осврна на неговиот хумор:
„Мети, ти благодарам за десетте неверојатни години смеа и креативност. Никогаш нема да го заборавам твојот беспрекорен комичен тајминг и изведба. Можеше да земеш обична линија на дијалог и да ја извртиш по своја волја, што ќе резултира со нешто толку целосно оригинално и неочекувано смешно што сè уште воодушевува. И имаше големо срце. Беше дарежлив и го споделуваше со нас, за да можеме да создадеме семејство од шест странци. Оваа фотографија е од еден од моите омилени моменти со тебе. Сега ме тера да се насмевнувам и да тагувам во исто време. Те замислувам таму горе, некаде, во истиот бел костум, рацете во џебовите, како гледаш наоколу – ‘Може ли да има повеќе облаци?’, напиша Дејвид.
На 30 октомври, главните ѕвезди на серијата објавија заедничко соопштение за магазинот „People“.
