ИСТРАЖУВАЊЕ: Секое трете дете во Бугарија смета дека читањето е губење време

Околу една третина од децата го сметаат читањето за губење време, покажува истражување на меѓународниот Центар за контрола и оценка на квалитетот на образованието (ПИСА).

– Дури 40 отсто од учениците рекле дека не можат да дочитаат една книга до крај, зашто им здодева уште во втората или третата минута. Учениците, коишто читаат од задоволство, имаат повисоки оценки на училиште, посочува Милена Дамјанова, претседател на бугарската парламентарна Комисија за образование и наука за бугарскиот портал „Монитор”.

Податоците на ПИСА велат дека последниве години тоа е тренд коишто го опфаќа целиот свет: учениците се повеќе се оддалечуваа од книгата.

Така на пример, во државите од Организацијата за економска соработка и развој, приближно 37 отсто од децата не го сметаат читањето за задоволство.