Магазин
Кралицата Елизабета го прославува 96-тиот роденден: Доби Барби кукла со својот лик
Кралицата Елизабета, најдолготрајниот член на кралското семејство кој владеел со Велика Британија, годинава ќе прослави долги 70 години на тронот, а денеска го слави својот 96-ти роденден.
Во чест на нејзиниот роденден, на социјалните мрежи на кралското семејство е објавена фотографија на која кралицата позира помеѓу своите два коња во замокот Виндзор. Интересна информација откри оваа фотографија – кралицата Елизабета не пропуштила ниту едно коњско шоу во Виндзор од 1943 година.
Бакингемската палата не планира никаков јавен ангажман за да го одбележи роденденот на кралицата, иако членовите на нејзиното семејство и организациите во кои таа е вклучена ќе и оддадат почит.
Американската компанија Mattel, Inc., чија најпозната марка е куклата Барби, се вклучи во прославата на историскиот платинест јубилеј на британската кралица Елизабета Втора правејќи почесна кукла по примерот на нејзиниот лик.
Барби по моделот на британската кралица ќе биде пуштена во продажба денеска, на денот на нејзиниот 96-ти роденден.
Куклата е облечена во елегантен фустан од слонова коска со сина лента украсена со кралски украси. Главата на куклата ќе биде украсена со тијара направена според онаа на кралицата Мери, а Елизабета ја носела на денот на свадбата со принцот Филип.
