Кралското семејство сепак ја продолжи традицијата: Објавена фотографија по повод роденденот на принцот Џорџ
Војводата и војвотката од Кембриџ на службениот Инстаграм профил објавија фотографија од принцот Џорџ по повод неговиот осми роденден.
Принцот Џорџ на фотографијата е потпрен на автомобил марка Landrover Defender, кој е сличен со оној на неговиот покоен пра-дедо, Војводата од Единбург.
Фотографијата била направена од страна на Кејт во нивниот дом во Норфолк.
Инаку, Вилијам и Кејт се двоумеле дали да објават фотографија од малиот принц поради несоодветните коментари што следеа по финалниот натпревар од Еуро 2020.
Фотографијата за неколку часа собра повеќе од милион лајкови, а многумина рекле дека Џорџ многу наликува на неговиот татко, принцот Вилијам.
