Низ објективот
Импресивно полетување под снег – пилот објави видео од снежната идила на скопскиот аеродром!
Прогнозите на метеоролозите се остварија, па така целата територија на нашата држава е под снежен бран, а снег наврна и во главниот град кој дополнително ги натера скопјани да поуживаат во чистиот воздух и зимската идила.
Идилично е и на скопскиот аеродром, за кој познатиот „тик-ток“ пилот напиша: „Ќе се обидам да ви го покажам снегот денеска во Скопје!“.
Тој објави видео на својот Инстаграм профил на кој се гледаат инсерти од полетувањето, а подоцна и слетувањето назад на скопскиот аеродром, а снежните сцени од Петровец го одземаат здивот.
Skywise е профил на Инстаграм следен од над сто илјади луѓе, а го води германскиот пилот Себастијан.
