Потресна порака од Вин Дизел посветена на покојниот Пол Вокер (ВИДЕО)

Актерот Пол Вокер, најпознат по улогата во серијата „Брзи и бесни“, пред две и пол години загина во сообраќајна несреќа, што предизвика шок кај неговите обожаватели и колеги.

Вин Дизел, кој со Вокер играше во „Брзи и бесни“, на својот Инстаграм објави потресна посвета на починатиот пријател.

– Многу од членовите на екипата кои работеа на „Брзи и бесни“ повторно се тука за да ни помогнат да направиме нешто посебно. Еден од нив на крајот од денот дојде до мене и ми рече: „Ова што го снимаме е навистина фантастично“. И тогаш тој ме погледна и рече дека Пол Вокер би бил горд, напиша Вин Дизел, под една стара фотографија од претходните снимања.

Пред неколку дена Дизел објави и видео во кое ги објасни своите чувства и болка поради почетокот на снимањето на првото продолжение на „Брзи и бесни“ без Вокер.