Принцезата Кејт Мидлтон откри дека ѝ е дијагностициран рак

Принцезата од Велс објави снимена видео порака во која откри дека и е дијагностициран рак.

Кејт Мидлтон откри дека има рак откако беше подложена на голема операција на абдоменот во јануари.

Откако првично мислеле дека состојбата што ја има не е канцерогена, тестовите по операцијата покажале дека болеста е присутна.

Принцезата од Велс сега е на пат за опоравување и започнала со превентивна хемотерапија.

Оваа вест следи по неколкунеделните шпекулации за состојбата на принцезата, која остана главно отсутна од очите на јавноста.

A message from Catherine, The Princess of Wales pic.twitter.com/5LQT1qGarK

— The Prince and Princess of Wales (@KensingtonRoyal) March 22, 2024

„Сакав да ја искористам оваа прилика да ви се заблагодарам, лично, за сите прекрасни пораки за поддршка и за вашето разбирање додека закрепнував од операцијата. Тоа беа неверојатно тешки месеци за целото наше семејство, но имав фантастичен медицински тим кој одлично се грижеше за мене, за што сум многу благодарна.

Во јануари направив голема операција на абдоменот во Лондон и во тоа време се мислеше дека мојата состојба не е канцерогена. Операцијата беше успешна. Сепак, тестовите по операцијата покажаа дека има рак. Затоа, мојот медицински тим ме советуваше да започнам со превентивна хемотерапија и сега сум во раните фази на тој третман.

Ова, се разбира, дојде како огромен шок, а Вилијам и јас правиме се што можеме за да го процесираме и управуваме ова приватно за доброто на нашето младо семејство.

Како што можете да замислите, за ова е потребно време. Ми требаше време да се опоравам од големата операција за да започнам со мојот третман. Но, што е најважно, ни требаше време да им објасниме сè на Џорџ, Шарлот и Луис на начин што е соодветен и да ги увериме дека ќе бидам добро.

Како што им реков; Јас сум добро и станувам се посилна секој ден со тоа што се фокусирам на работите што ќе ми помогнат да заздравам; во мојот ум, тело и духот.

Да го имам Вилијам покрај мене е одличен извор на утеха и сигурност. Како што е љубовта, поддршката и љубезноста што ја покажаа многумина од вас. Нам двајцата ни значи многу.

Се надеваме дека ќе разберете дека, како семејство, сега ни треба малку време, простор и приватност додека го завршувам мојот третман. Мојата работа отсекогаш ми носи длабоко чувство на радост и со нетрпение очекувам да се вратам кога ќе можам, но засега морам да се фокусирам на целосно закрепнување.

Во овој момент мислам и на сите оние чии животи биле погодени од рак. За сите кои се соочуваат со оваа болест, во која било форма, не губете верба или надеж. Не сте сами“, гласи пораката на принцезата.