Пристигна уште едно кралско бебе: Принцезата Беатрис и нејзиниот сопруг добија второ дете

Британската принцеза Беатрис роди девојче тешко нешто повеќе од два килограми.

„Нејзиното кралско височество принцезата Беатрис и г-дин Едоардо Мапели Моци со задоволство го објавуваат раѓањето на нивната ќерка Атина Елизабет Роуз Мапели Моци, родена во среда, 22 јануари, во 12:57 часот.

„Кралот и кралицата и другите членови на кралското семејство се информирани и се воодушевени од веста. Принцезата Беатрис и г-дин Мапели Моци би сакале да му се заблагодарат на болничкиот персонал за нивната прекрасна грижа. Нејзиното кралско височество и нејзината ќерка се добри и здрави, а семејството сега ќе ужива со Атина и нејзиниот постар брат и сестра, Волфи и Сиена“, објави кралското семејство на социјалните мрежи.

View this post on Instagram

A post shared by The Royal Family (@theroyalfamily)

Беатрис и нејзиниот сопруг Едоардо се венчаа во јули 2020 година. Принцезата Беатрис веќе има ќерка, Сиена Елизабет Мапели Моци, која се роди пред три години и го доби името по нејзината прабаба Елизабета Втора, покојната кралица. Истото средно име го добила и малата Атина. Моци со поранешната вереница го има синот Волфи.