Син кит првпат виден во Црвеното Море

Син кит е виден првпат во Црвеното Море, т.е. во заливот Акаба, источно од Синајскиот Полуостров, соопшти египетското Министерство на животна средина. Причините за оваа појава допрва ќе се истражуваат.

– Овие китови не се грабливци и не се опасни за луѓето. Препорачливо е, сепак, да не им се доближувате, соопшти претставник на Министерството.

Сините китови се загрозен вид. Нивната должина може да достигне и 30 метри, па важат за најголемото животно на нашата планета. Најчесто ги има во океаните и многу ретко се среќаваат во морињата. Нивниот лов е забранет.