Магазин
Синот на Одри Хепберн за фустанот на Иванка Трамп: „Очигледно е дека мајка ми ја инспирирала“
Фустанот на Иванка Трамп на инаугурацијата на нејзиниот татко го привлече вниманието на светските медиуми. Се зборуваше дека е инспирирана од стилот на холивудската дива Одри Хепберн, чиј син Шон Хепберн Ферер сега проговори и ја коментираше ситуацијата.
„Не е ни чудо што, растејќи во семејство во кое мајка ми беше многу позната, реши да црпи инспирација од неа. Таа ја бараше врвната елеганција и софистицираност за ваква пригода – инаугурацијата, 32-годишнината од смртта на мајка ми и што е најважно, Денот на Мартин Лутер Кинг. Каков коктел!“, изјави Шон за Дејли Мејл.
За потсетување, Белата куќа соопшти дека Иванка изразила големо задоволство од можноста да облече фустан сличен на оној што го прослави Одри Хепберн. „Таа е исклучително благодарна на семејството Арно и Givenchy за создавањето на ова ремек дело. Одри Хепберн служеше како инспирација на Иванка долги години и таа ова го доживува како голема чест и привилегија“, велат тие.
Ова не е прв пат Иванка Трамп да црпи инспирација за својот моден избор од стилот на холивудските икони. На свадбата на нејзината сестра Тифани, таа носеше син фустан кој изгледаше речиси идентично со фустанот на Грејс Кели во филмот „To Catch a Thief“ од 1955 година.
