10 дена на море ќе ви го ревитализираат вашиот организам!
Морето е лековито и ако само седите на брегот и гледате во брановите. Но, што е толку добро во морската вода и воздух?
Ако дневно поминувате 15 до 30 минути покрај море, можете значително да го подобрите своето здравје.
Еве зошто:
1. Морскиот воздух
Специфичниот мирис на морето го произведува гасот диметил сулфид. Ако се надишете морски воздух, секогаш ќе спиете подобро, затоа што е богат со негативни јони на водородот, заради кои полесно го апсорбираме кислородот (ова е посебно добро за оние кои имаат проблеми со дишењето). Негативните јони е борат против слободните радикали и го врамнотежуваат нивото на серотонин – хормонот на среќата.
2. Морска вода
Морската вода ги намалува некои од кожните болести како дерматитис. Морската вода помага при повлекување на егземите заради антисептичките состојки. Сепак, мора да внимавате и на сушењето на кожата, редовно да се туширате и да нанесувате хидратантни креми. Морската вода делува како лек за синуси, алергии и настинка, и ги отвора дишните патишта.
3. Сончевата светлина
Сонцето ни помага да ја добиеме потребната количина на витамин Д кој делува повеќе како хормон кој го регулира здравјето на коските, мускулите, имунитетот, сонот и расположението.
Тоа е најдобар начин за превенција од остеопороза. Витаминот Д е корисен при превенција на сончеви болести, рак на градите и простатата, го зајакнува имунитетот и го забавува стареењето.
Сепак, треба сончањето да биде умерено и да внимавате да не изгорите.
