Калтрина: Ми замеруваат како може да сум и професорка и инфлуенсер

Во новата епизода на „Нешто конкретно“, гостинките Вера Мештеровиќ, Калтрина, Весна Кирајџиева и Дина Муцунцка дебатираат на темата: Дали самостојна жена е привилегија или предизвик? Разговорот ги отвори прашањата за ставовите, облеката, улогата на партнерот и предизвиците со кои се соочуваат жените во современото општество.

Вера Мештеровиќ: „Одредени дами ургираа да дојдат на моето место“

Вера откри дека пред да стане водителка, некои жени активно се обидувале да го заземат нејзиното место:

„Се користеа со разни начини за да дојдат таму каде сум јас,“ рече таа.

Калтрина: „Ми замеруваат како може да сум и професорка и инфлуенцер“

Калтрина сподели дека е предизвик да се комбинираат професорската кариера и инфлуенцерството. Според неа, коментарите често се насочени кон тоа дека овие две улоги не одат заедно.

Дали ставот е поважен од облеката?

Гостинките се согласија дека ставот е клучен за успех:

„Ако јас со ставот им кажам за што сум тука, тогаш сукњата колку сака нека е кратка,“ изјави Дина Муцунцка, сопственичка на Хотел Манастир.

Успех со или без партнер?

Мислењата беа поделени:

• Вера смета дека жената може да успее самостојно.
• Дина верува дека е поубаво да имаш партнер за да ги делите и добрите и лошите моменти.
• Весна нагласи дека партнерот треба да биде поддршка, а не дополнителен товар.

Заклучокот што отвора нови прашања

Епизодата заврши со мислата на Дина Муцунцка:

„Во денешно време какви жени успеваат, тоа е за сериозно истражување!“

За одговорите на прашањата „Кои жени се кучки?“ и „Која жена е ’жена змај’?“, погледнете ја епизодата на линкот.