Лузната што разбуди носталгија: Детал на раката на Меланија Трамп предизвика лавина реакции на Балканот (ФОТО)

Фотографија од инаугуративниот бал на Доналд Трамп, на која тој танцува со сопругата Меланија, стана хит на социјалните мрежи во регионот. Причината? Деталот на раката на поранешната прва дама – лузната што многумина ја препознаа како „печат на Југославија“.

Лузната, предизвикана од вакцинацијата со BCG (Bacillus Calmette-Guérin), е позната кај луѓето родени во поранешна Југославија пред крајот на 80-тите години. Иако е реткост во земји како Германија, Франција и Велика Британија, таа е честа појава кај жителите на Србија, Хрватска, Македонија, Црна Гора, Босна и Херцеговина, како и Словенија.

Оваа фотографија предизвика лавина коментари со носталгични референци, како:

Југос од километар ќе го познаеш по вакцината 😂😂😂 pic.twitter.com/Z5Rny5njOR

— Командант Марк (@milanzng) January 23, 2025

• „Недостасува уште сидрото и ЈНА.“
• „Made in Yugoslavia.“
• „Pelcovana!“
• „Титовиот чип.“
• „Доказ дека е лист од нашата шума.“

Многумина го гледаат овој белег како симбол на заедничко минато, потсетник на времињата кога Југославија постоеше како единствена држава.

Фотографијата повторно ги поврза луѓето од регионот, разгорувајќи спомени и емоции за еден дел од историјата што многумина го сметаат за уникатен.