Познатиот Јутјубер се придружува кон купувањето на TikTok

MrBeast, ѕвезда на YouTube и најплатениот креатор на интернет, официјално се приклучи на иницијативата за купување на TikTok додека има рок од 75 дена да се најде сопственик кој не е кинески за да избегне трајна забрана на социјалната мрежа, пишува The Guardian.

Тој се здружи со технолошкиот претприемач Џеси Тинсли, основач на онлајн платформа за управување со човечки ресурси, за да понуди да ја купи апликацијата. Веста беше објавена во време кога Доналд Трамп изрази подготвеност да дозволи американски технолошки милијардери, како што се Илон Маск и Лери Елисон, да го преземат TikTok во САД.

MrBeast, чие вистинско име е Џими Доналдсон, постојано изразува интерес за преземање на TikTok во објавите на социјалните мрежи. На платформата X на 13-ти јануари, тој напиша: „Ќе го купам TikTok за да не биде забранет“. Во подоцнежното видео на TikTok, Доналдсон рече дека разговарал со „неколку милијардери“ за понудата.

@mrbeast

TikTok check your inbox 👀 @TikTok

♬ original sound – MrBeast

Американската адвокатска фирма Пол Хестингс во вторникот објави изјава за понудата на Доналдсон. Според нив, Тинсли води група инвеститори составена од „институционални инвеститори и поединци со висока нето вредност“, но Доналдсон е единствениот јавно именуван член на групата.

Иако износот на понудата не беше објавен, Трамп во вторникот ја процени вредноста на апликацијата на трилион долари. Според Форбс, Доналдсон, кој има 346 милиони претплатници на YouTube, бил најуспешен креатор на интернет минатата година, со заработка од 85 милиони долари.

@mrbeast

Let’s save TikTok from going down again 🫡

♬ original sound – MrBeast