Sci-fi
АМАЗОН ГОУ: Продавница во која влегувате, си земате што сакате, и си одите! (ВИДЕО)
Замислете продавница во која влегувате, си земате што сакате, и си одите! Тоа веќе не е некоја сцена од филм, туку реалност!
Американскиот гигант Амазон ја отвори својата прва „паметна“ продавница во САД, „Амазон Гоу“, во која купувањето е само влегување и излегување од продавницата.
Во „Амазон Гоу“, купувачите доаѓаат, земаат продукти и си одат, а сметката за истите им се наплаќа подоцна од нивниот акаунт на Амазон. Искуството на пазарење таму се вели дека потсетува на крадење, само што ве снимаат стотици камери.
Овој нов концепт на продавници ги искористува последните технологии за машинско учење, вештачка интелигенција и електронско плаќање.
Првата продавница веќе е отворена во САД, но е достапна само за вработените на компанијата Амазон, додека пошироката јавност ваквиот тип на купување ќе може да го искуси дури догодина.
![](https://static-xx.files.pplarno-cdn.popularno.mk/wp-content/uploads/2017/01/logo-2017-2.png)