Apple го подготвува новиот iPhone 6S

Новиот iPhone 6S ќе изгледа полуксузно и помодерно, ќе добие понапредна камера и микрофон и ќе има ФорсТач. 

Според аналитичарот Минг-Чи Куо новиот модел ќе биде достапен и во розово-златна боја.

iPhone 6S ќе има дополнителен микрофон што ќе ги подобри квалитетот на разговорите, а подолгата изведба на моделот 6S Plus ќе има сафирни рабови како дополнителна заштита од оштетување.

Камерата ќе биде со 12 мегапиксели, што е голем чекор напред во однос на претходните модели кои имаа разолуција од осум мегапиксели.

Нов додаток е ФорсТач, односно уредот ќе биде чувствителен на притисок, што овозможува голем број нови потенцијали на интеракција на моделот. Според Епл станува збор за многу уникатен софтвер.