Од сега ќе може да објавувате фотографии на Инстаграм и преку вашиот компјутер

Убави вести доаѓаат за корисниците на социјалната мрежа Инстаграм.

Како што многу корисници веќе забележаа, од оваа недела ќе може да се креира нов пост за социјалната мрежа и преку компјутер, откако оваа апликација работеше само преку мобилните уреди од денот на лансирањето.

Ова е навистина голем чекор напред, бидејќи ова е прв пат популарна услуга за споделување фотографии официјално да дозволува објавување од извори надвор од мобилни уреди.

– „Знаеме дека многу луѓе пристапуваат до Инстаграм од своите компјутери – наведуваат од компанијата. – За да го подобриме тоа искуство, ја тестираме можноста да создадеме објава на Инстаграм од десктоп прелистувач.“