Тројца Американци и Канаѓанец ќе летаат на Месечината со капсулата Орион во 2024 година

НАСА ги објави имињата на четворицата астронаути, кои ќе летаат на Месечината на крајот од 2024 година.

Новинарската промотивна церемонија се одржа во Хјустон, американскиот центар за астронаути и дом на Контролата на мисијата. Тројца Американци и еден Канаѓанец ќе бидат дел од првата мисија на Месечината по онаа од 1972 година.

Капсулата Орион ќе лета околу Месечината и ќе се врати на Земјата, што е увертира за планираното слетување на Месечината со двајца астронаути една година подоцна. Командантот на мисијата Рид Вајсман, Афроамериканецот Виктор Гловер, морнаричката авијатичарка Кристина Кох и Канаѓанецот Џереми Хансен се дел од овој историски екипаж.

Оваа мисија ќе биде првата со жена и некој надвор од САД и првата во новата лунарна програма на НАСА наречена Артемида. Првата мисија Артемида заврши во декември со безбедно враќање на беспилотната капсула Орион на Земјата по 25-дневно патување околу Месечината.