Твитовите наскоро до 10.000 карактери

Откако во 2006 година Твитер почна со работа, социјалната мрежа го ограничуваше внесот на карактери на максимални 140, но тоа наскоро би можело да се промени на 10.000 карактери, според најавите на директорот и коосновач на компанијата Џек Дорси.

Дорси на својот Твитер налог прикачи снимка на која порача дека компанијата ќе продолжи да го прави твитер побрз со начинот на комуникација, но нема да „се срами“ таа комуникација да ја зајакне со нови можности.

Тој тоа го стори само неколку часа откако сајтот за нови технологии „Re/Code“ објави дека Твитер ќе го зголеми ограничувањето на карактерите од 140 на 10.000.