Јутјуб воведува полесно препознавање на песните во видеата

Платформата за споделување видео снимки Јутјуб воведува опција за препознавање на музиката во снимките, слично на популарната апликација Шазам.

Функцијата ќе биде достапна во самиот опис под видеото, а во информациите ќе стои насловот на песната, изведувачот, па дури и авторите на текстот, како и линк до официјалната страница или канал, кога тоа е можно.

Ова ќе помогне и за поголема заштита на авторските права, соопштуваат од Јутјуб.