YouTube воведе опција за бесплатно гледање на филмови

Од денеска можете да гледате бесплатни филмови на онлајн платформата YouTube. Изминатиот месец Google и YouTube додадоа околу 100 долгометражни филмови за кои не мора да плаќате претлата за да ги гледате. Единствениот проблем е што ќе мора да издржите и да ги гледате и неколкуте реклами.

Категоријата „Free to watch“ вклучува најчесто постари филмови, но има и некои култни класици и познати наслови како што се „Rocky“, „Legally Blonde“, „The Terminator“ и „Four Weddings and a Funeral“. Рекламите ќе се појавуваат во текот на филмот.

За да проверите кои филмови можете да ги гледате бесплатно, одете на YouTube и изберете „Movies & Shows“ од менито. Потоа побарајте го делот „Free to watch“, кликнете на филмот што сакате да го гледате и автоматски ќе почне како и секое видео на YouTube.

Се очекува YouTube да ја проширува листата со бесплатни филмови во иднина.