ФОТО: Со претставата „Стујардеси“ започна фестивалот „Гола месечина“ во скопски Аеродром

Пред повеќе од 1.000 гледачи и со голем ризик дека во секој момент ќе заврне на отворената сцена на игралиштето во фудбалското игралиште до детската градинка „Сонце“ во Реонски центар „Аеродром“ вчера, 20.6.2015 година, почна вториот по ред Меѓународен фестивал на комедијата „Гола месечина“ со претставата на Театар Комедија „Стјуардеси“.

Публиката не само што со одушевување ја прифати претставата, за која се бара столче повеќе, туку покажа голем интерес и за целиот фестивал, на кој до 30-ти јуни ќе бидат прикажани уште осум претстави од македонските и театри од регионот.

Денеска, 21.6.2015 година, на репертоарот е комедијата „Дамите бираат“ на Алттеатар од Сараево.

Претставите почнуваат во 21:00 часот, а влезот е бесплатен.