Сцена
Голем број ѕвезди настапија на FireAid добротворен концерт за помош на жртвите од пожарите во Лос Анџелес
Голем број музички ѕвезди меѓу кои Били Ајлиш, Лејди Гага, Оливија Родриго, Пинк, Кети Пери, Нирвана и Др Дре синоќа настапија на FireAid, добротворен концерт во Лос Анџелес за да и помогнат на областа да се опорави од најголемите пожари во нејзината историја.
Повеќе од 20 уметници од различни жанрови излегоа на сцената за петчасовното шоу, кое се случуваше истовремено на две големи локации во градот и собираше средства за напорите за помош од шумските пожари.
Актерот Били Кристал ја пречека публиката во арената „Kia Forum“, облечен во облека што ја носел кога избегал од пожарот претходно овој месец.
Набргу по почетокот на шоуто на „Kia Forum“, започна и вториот концерт во „Intuit Dome“, при што онлајн-стримот се менуваше постојано помеѓу двете места. Многу од уметниците кои настапуваа се од или со седиште во Лос Анџелес.
Кејти Пери која е родена во Калифорнија го вееше знамето на државата додека ги изведуваше хитови како „California Gurls“.
Концертот собираше средства преку продажба на билети и донации.
Беше објавено дека „U2“ донирале 1 милион долари, додека Кони и Стив Балмер ветиле дека ќе ги усогласат сите донации направени за време на настанот. Фондацијата Аненберг ќе управува со средствата за да помогне во краткорочните напори за помош и долгорочно спречување на пожари.
Гледачите беа охрабрени да донираат преку FireAidLA.org или преку текстуална порака.
