Сцена
Холивудска ѕвезда и евровизиски ветеран: Ова се водителите на овогодинешната Евровизија
Водители на сите три вечери на 68. Избор за песна на Евровизија ќе бидат холивудската ѕвезда Малин Акерман и популарната шведска телевизиска водителка, комичарка и евровизиски ветеран Петра Меде.
Малин Акерман е родена во Стокхолм и пораснала во Канада. Денес живее во Лос Анџелес со своето семејство. За време на нејзината актерска кариера се појавува во бројни познати ТВ серии и филмови во кои има глумено со Том Круз, Џенифер Анистон, Сандра Булок и The Rock.
Во шведските кина таа се појави во мјузиклот „A Piece of My Heart“ каде го покажа својот талент за пеење. Таа неодамна се појави во „The Final Race“. Таа е навикната да настапува и на сцена и на екран, но Евросонгот е сосема нова средина за актерката.
„Не можам да ги опишам моите чувства. Многу сум возбуденa и малку нервознa, но на позитивен начин. Секогаш ми се допаѓаше Евросонг, да се биде дел од ова фантастично шоу заедно со Петра е остварување на сонот. Освен тоа, Петра е една од најзабавните жени што сум ги запознала“, изјави Малин за Eurovision.tv.
Петра Меде е една од најпопуларните телевизиски водителки и комичари. Таа беше домаќин и на домашниот, шведски натпревар за песна на Евровизија „Melodifestivalen“, а ова ќе и биде трет пат како домаќин на Евросонг. Таа го водеше во 2013 година и тогаш беше меѓународно признаена, а потоа се врати на улогата во 2016 година.
„Замислете повторно да добијам шанса да бидам домаќин на Изборот за песна на Евровизија. Тоа е неверојатна чест. Откако прво сама бев домаќин, а потоа со прекрасниот Манс Зелмерлов покрај мене, сега навистина со нетрпение очекувам да работам со Малин. Не се познаваме претходно, но веќе се сретнавме неколку пати и веќе ме купи целосно, ќе ми биде задоволство да работам со неа“, рече Петра.
Првото полуфинале на Евровизија ќе се одржи во Малме, Шведска во вторник на 7 мај, второто полуфинале е два дена подоцна на 9 мај, а големото финале е во сабота на 11 мај.
