Корчагинци играа во име на љубовта во МОБ (ФОТОГАЛЕРИЈА)

Четвртиот мјузикл на скопската гимназија „Раде Јовчевски Корчагин“ насловен „Во име на љубовта“ ја доживеа својата премиера на 4 јуни во полната сала на Македонската опера и балет.

Претставата, во режија на професорката по македонски јазик и литература Татјана Алексиќ, костимографија на Елизабета Николовска Дадиќ и хорски аранжман на Виктор Барбутов ретроспективно ја презентира љубовта на книжевните ликови и историски личности кои живееле, умирале, убивале и лажеле во име на љубовта.

– „Во име на љубовта умираат Ромео и Јулија, Отело ја задавува Дездемона, страдаат Антигона, Офелија, Ана Каренина, младиот Вертер, Сирано, Татјана и Онегин, нашата Цвета умира без да стане Турчинка… Во „Пеколот“ на Данте се прочистуваат грешните неверници Тристан и Изолда, Елена и Парис, Франческа и Паоло, Клеопатра, Семирамида… Кралеви абдицираат во име на љубовта, држави се продаваат…“ – вели Алексиќ.

ПРОЧИТАЈ ПОВЕЌЕ: Во име на љубовта се живее, умира, убива… и лаже!

Инаку на премиерата присуствуваа голем број познати личности од јавниот живот во Македонија меѓу кои Ленин Јовановски, Ирена Спировска, Валентин Николовски, Ранко Петровиќ, Магдалена Ризова, Снежана Конеска Руси и многу други.

Од Македонската опера и балет најавувуваат повторно поставување на претставата наредната сезона.

<

►

>