Кулминација со 15.000 посетители на „Охрид колинг“ со Армин Ван Бјурен

Ултимативна завршница на фестивалот „Охрид колинг“ приреди синоќа легендарниот диџеј Армин Ван Бјурен на која беше срушен рекордот на посетеност на ова фестивалско издание.

„Билјанини извори“ беа претесни да ги соберат преку 15.000 посетители кои играа во транс звуците на музичката легенда.

-„Здраво Македонија, дали сте подготвени за транс забава?“, праша тој, по што започна ултимативното двочасовно лудило збогатено со пиротехнички и сценски ефекти.

Изминативе два дена, на фестивалот настапија светските диџеи Димитри Вегас и Лајк Мајк, Роџер Санчез и Салваторе Ганачи, чиј настап публиката го прогласи за најдобар на фестивалот.