МК Сцена
„Бело Копче – Tribute Bijelo Dugme“ промовираа авторска песна и приредија незаборавна рокенрол ноќ
Најпознатиот македонски трибјут бенд „Бело Копче – Tribute Bijelo Dugme“, предводен од Стевче Грозданов и Зоран Рудан – Цеки, на 30 јануари во „Интермецо“ во Скопје промовираше прва авторска песна – „Сувенир из Сарајева“.
Песната, создадена од Саша Драгиќ (музика), Владимир Митровиќ (текст) и Стевче Грозданов (аранжман), носи автентичен сараевски рокенрол звук. Видеото го режираше Александар Ристовски Принц, а во него се појавува и актерката Катерина Шехтанска.
По промоцијата на видеото, бендот ја изведе „Сувенир из Сарајева“ во живо, а вечерта продолжи со спектакуларна „копче-дугме“ забава – два и пол часа незаборавни хитови.
Публиката замина со „сувенир во душата“, исполнета со енергија и сеќавања на златното доба на рокенролот.
