Гимназијата „Орце Николов“ ве кани на предновогодишна журка!

Средношколците од скопската гимназија „Орце Николов“ трета година по ред организираат предновогодишна забава во своето училиште, со која, како што велат, ги прославуваат новогодишните празници, но и посакуваниот зимски распуст.

Оваа журка ќе се одржи на 23 декември, со почеток во 18 часот, во холот на училиштите, а е во организација на „ај-ти“ секторот и радиото во склоп на гимназијата „Орце Николов“.

Организаторите велат дека забавата ќе се состои од 3 дела – настап на диџеј, соло артисти или дуети и бендови, а програмата ќе биде објавени на официјалниот фејсбук настан во деновите кои следуваат.

Картите се во продажба и чинат симболични 50 денари.

Поканети се сите оние кои сакаат да го почувствуваат младешкиот дух!