Лила Филиповска ја изненади мајка си за 80. роденден: „Те сакаме мамо, да ни живееш уште долго!“

Македонската водителка и инфлуенсерка Лила Филиповска, позната по тоа што својот приватен живот го чува далеку од очите на јавноста, направи исклучок за еден посебен повод. На својот профил на Instagram, таа сподели фотографии од семејната прослава за 80-от роденден на нејзината мајка.

Во домашна атмосфера, мајката на Лила ги дувна свеќичките на торта украсена со рози, опкружена со најблиските. На фотографиите се појавуваат и синот на Лила, Филип, како и нејзиниот брат со семејството. Иако нејзината сестра не можела да присуствува физички, таа се вклучила преку Viber, за да биде дел од овој емотивен момент.

View this post on Instagram

A post shared by Lila (@lilafilipovska)

„Нашата мајка кралица денес полни 80 години. И нема доволно зборови за да ја опишеме нашата бескрајна љубов и благодарност. За сè што нè научи, за сите совети и за тони несебична љубов. Ти фалеше твојата Маце, но ја вклучивме на Viber, па бевме комплетни. Те сакаме мама и да ни живееш уште доооолго, дооолго,“ напиша Лила во емотивната објава.

Прославата помина во знак на семејна топлина и радост, а фотографиите откриваат еден поретко виден дел од животот на водителката. Лила, која ретко зборува за семејството, понекогаш се присетува на детството поминато во Шведска, каде што е родена. Овојпат, сепак, реши да ги израдува своите обожаватели со моменти исполнети со љубов и семејна хармонија.

Објавата предизвика бројни реакции на социјалните мрежи, а следбениците на Лила ја поздравија за искрените зборови и гестот кон нејзината мајка.