Зарина Првасевда, специјална гостинка на концертот на Barcelona Gipsy Balkan Orchestra во Скопје

Само еден месец нѐ дели од новото музичко патување со Barcelona Gipsy Balkan Orchestra, една од најиновативните музички формации на современата сцена. Овој оркестар е познат по тоа што нивната музика се слуша и доживува на длабоко, директно ниво допирајќи до срцето на публиката.

За БГКО не постојат граници, бидејќи нивната музика е инспирирана од најразлични музички традиции, како од Балканот, така и од светот. Тие носат едно емоционално патување, кое оваа година ќе биде уникатно искуство, што повторно ќе ја почувствуваме на 28 февруари 2025 година во Филхармонијата.

Со нивниот уникатен звук и интензивна интерпретација, Barcelona Gipsy Balkan Orchestra не престанува да освојува нови срца ширум светот. Овој пат, на сцената ќе им се придружи и специјалната гостинка Зарина Првасевда. Македонската уметница, позната по својата вокална техника која ја наследила од источноевропските и ориенталните традиции, ќе донесе свежина и срдечност на концертот. Таа се гордее со својот богато вкоренет фолклорен стил, а нејзините вокални способности се вистински подарок за љубителите на музиката.

Barcelona Gipsy Balkan Orchestra ќе ги изведе своите најпознати хитови како „Море сокол пие“, „Македонско девојче“ и „Kaleja Jaca“, додека публиката ќе ужива и во ритмите на румба на Есма Реџепова-Теодосиевска.

Влезниците за овој концерт веќе се достапни за продажба по цени од 1000, 1200 и 1500 денари преку официјалната веб-страница на mktickets.mk