Златна бубамара 2025: Спектаклот што не се пропушта

Најпопуларната македонска манифестација, Златна бубамара на популарноста, ќе се одржи на 19 февруари во арената „Борис Трајковски“, најавувајќи уште едно издание исполнето со хумор, сатира и музика.

Организаторите ветуваат динамична програма под мотото „Вештачка интелигенција за владата – природна забава за народот“, со настапи на најпопуларните уметници и добро познатите сатирични осврти на актуелните теми.

Продажбата на билети е во тек, а организаторите истакнуваат дека интересот е огромен. Достапни се преку онлајн платформата mktickets.mk и во цвеќарницата „Розе Веро 2“ – Тафталиџе.

Секое издание на Златна бубамара низ годините остава траен впечаток, а и оваа година манифестацијата ќе понуди содржина што ќе се коментира долго време. Настанот ќе трае три часа, а како што најавуваат организаторите, ќе биде еден од најдобрите досега.