Музика
Мадона ќе настапи на Евровизија веднаш по Тамара Тодевска
Мадона ќе настапи на Евровизија веднаш по Тамара Тодевска
Поп-иконата Мадона вечерва ќе настапи во финалниот дел од Евровизија, чиј домаќин е биде на Тел Авив.
Кралицата на попот, Мадона, во оваа пригода ќе промовира нов сингл како најава за 14. албум кој ќе биде објавен во текот на летото. Пејачката ќе заработи речиси 1 милион долари за изведбата, а хонорарот го обезбедува Саливан Адамс, милијардер со кандаско-израелско потекло.
Тој за медиумите рече дека ова го прави со цел да ја промовира својата земја низ целиот свет.
„Евровизија е голема работа, но не е позната во Северна Америка. Ја поканивме Мадона за со нејзиното присуство да го зголеми интересот за фестивалот во овој дел од светот“, рече Адамс кој минатата година донираше 80 милиони долари за трката „Џиро ди Италија“ да се одржи во Израел.
Кулминацијата на шоуто ќе ја донесе Мадона, која ќе настапи со безвременската „Like a Prayer“ и новата песна „Future“. Нејзиниот настап е предвиден да се случи меѓу 8. и 9. натпреварувач во финалето, односно веднаш по нашата Тамара.
Меѓутоа, на евровизиската сцена ќе се појават и многу ѕвезди кои изминатите години настапиле и останале забележани. Меѓу нив се и Дана Интернешенел, победничка на Евровизија во 1998 година. Потоа, Верка Сердучка, претставник на Украина, Кончита Вурст од Австрија, Манс Зелмерлев од Шведска и Елени Фуреира, која лани настапуваше за Кипар.
View this post on Instagram
Midnight RIDIN in Tel Aviv ???. FUTURE ……….come get life! @quavohuncho #future #madamex
