Промоција на четвртото издание на „ЈУ Рок Енциклопедија“ во Скопје и во Куманово
На 3 jуни (понеделник, 20 часот), во Српскиот културно-информативен центар Спона ќе се одржи промоција на четвртото издание на екс ЈУ Рок Енциклопедија, на авторот Петар Јањатовиќ. Спона е организатор на промоцијата.
Во присуство на авторот, ќе се зборува и за музичката литература во регионот, воопшто, за најновите биографски книги објавени на овие простори, а програмата предвидува таа вечер во еден дел да биде и вечер на ЈУ Рок поезија, бидејќи ќе биде промовирано и новото издание на збирка на ЈУ Рок поезија – Песме братства, детињства и потомства, на истиот автор. Југословенска рок поезија ќе ја чита професорката Татјана Алексиќ, додека модератор на програмата ќе биде новинарот Иван Беќковиќ.
Следниот ден (вторник, 4 јуни), во 19 часот, истата програма ќе биде репризирана во „Podroom bar“ во Куманово.
