,,50 години Диско селектор – Последен танц на Драган Б. Костиќ” на 29 ноември во СЦ Јане Сандански

Авалон Продукција ќе го организира ,,последниот танц” на сцена на Драган Б. Костиќ, по повод 50 години од легендарната ,,Диско селектор”!

-Зборот легенда во овој регион се користи многу често – без било какви аргументи. Ако некој заслужено го носи зборот ,,легенда”, тоа со сигурност е Драган Б. Костиќ, велат од Авалон.

На 29 ноември во СЦ Јане Сандански ќе се одржи “Последниот танц” на сцена на една од најлегендарните фигури во македонската културна сцена – новинар и водител со преку 14.000 радио емисии и 20.000 часа минати пред микрофон, диџеј со преку 2.000 настани, човек кој има пораснато и музички и културолошки едуцирано повеќе од 5 генерации – Драган Б. Костиќ!

Влезниците ќе бидат во продажба од среда (16-ти октомври) во 9 часот наутро онлајн на ticketx.mk и во продажната мрежа на ticketx низ Македонија по цена од 600 денари.

Исто така, во продажба ќе бидат пуштени и ограничен број на ВИП влезници со високи маси, по цена од 1.000 денари.