Настани
„Аеродром пулсира vol.3“: Џевахир Мол Скопје со музички спектакл незаборавно ја испрати 2024 година
Во Џевахир Мол Скопје во саботата се одржа незаборавниот предновогодишен концерт „Аеродром пулсира vol.3“, исполнет со емоции и музика од најдобрите македонски пејачи.
Настапот го започнаа Игор Џамбазов и Гуру Харе, чија енергија и познати хитови ја разбудија публиката и ја создадоа магична атмосфера. Потоа, Тони Зен ја исполни сцената со моќна енергија, освојувајќи ги љубителите на рап музиката.
Младата публика го почувствува ритамот на Пајак и Лара, чии модерни хитови продолжуваат да ја освојуваат сцената. За крај, Каролина Гочева ги исполни срцата на присутните со своите незаборавни поп хитови. Публиката ја испрати 2024 година со многу забава, радост и позитивни вибрации.
