БУГАРСКО ИЗДАНИЕ НА ЕГЗИТ: Нина Кравиц, Офенбах и С.А.Р.С. дел од програмата
Во градот Приморско, од 29 до 31 јули ќе се одржи првото бугарско издание на фестивалот Егзит на кој се најавуваат повеќе од 50 изведувачи кои ќе настапат на четири сцени.
Фестивалот меѓу првите најавени учесници ја претстави Нина Кравиц, француското електронско дуо Офенбах и еден од најпопуларните регионални бендови во алтернативниот рок С.А.Р.С.
По фестивалите во Црна Гора, Романија, Хрватска, Босна и Херцеговина и Грузија, и Бугарија стана дел од семејството на фестивалот Егзит со музичката манифестација Санленд.
