Lenny Kravitz се враќа во Охрид: Голем концерт на 4 август на СРЦ „Билјанини Извори“!

Кога се концертите во прашање, во Македонија постои една легенда која многу брзо прерасна во урбан мит. А, тоа е: ,,Имало кај нас концерти, ама ниту еден не бил ни приближно добар како оној на Lenny на стадион во Охрид”.

– Па, за сите оние кои беа тогаш присутни, за оние кои слушале, за оние кои тогаш биле деца и во меѓувреме пораснале и го засакале, решивме да го вратиме Lenny Kravitz во Охрид, на истото место и скоро во истото време, за Илинденските празници, на 4-ти август, вели организаторот Авалон Продукција.

Lenny овој пат доаѓа поголем од било кога до сега, како дел од европската турнеја “Blue Electric Lights 2024”, во која претежно ќе биде хедлајнер на многу светски, големи фестивали, како и неколку соло концерти, во кои спаѓа токму и охридскиот. Lenny во моментов е номиниран за член на “Rock and Roll Hall of Fame”, а неговиот нов албум со наслов “Blue Electric Lights” излегува на 24-ти мај.

– И, за крај… да, Lenny сакаше да се врати во Охрид. Рутата се направи специјално така за да овој пат се исполни и вашата, и нашата и неговата желба, велат од Авалон.

Влезниците ќе бидат во продажба од среда (17-ти април) во 09 часот наутро онлајн на ticketx.mk, во продажната мрежа на ticketx низ Македонија и во неколку алтернативни продажни места во Охрид по следниве цени и категории:

• Партер – 1.990 денари
• Фан пит – 3.000 денари (само 2.000 влезници)
• Трибини – 3.000 денари (нумерирани седишта)
• УЛТРА ВИП – 6.000 денари