Вечерва Guns n Roses – Real Tribute а во петок Прљаво Казалиште во Скопје!

По фантастично добриот настап на Тони Цетински, оваа недела во скопскиот клуб PURE ќе може да се погледнат Guns n Roses – Real Tribute и Прљаво Казалиште.

Харизматичниот хрватски ас на поп-рок музиката – Тони Цетински, кој по 7 години пауза повторно се појави пред македонската публика и направи одлична атмосфера. Неговиот двочасовен настап беше будно проследен од фановите, а атмосферата кулминираше кога на сцената се појави едно момче од публиката и заедно ја изведоа култната “Lagala nas mala“.

Вечерва Guns N Roses – Real Tribute после успешната турнеја на бендот во Бразил, Индија, Тунис, на Малта, и низ цела Европа, ќе се претстават пред скопјани. Овој бенд ќе ве забавува со најголемите хитови на Guns n Roses и ќе ве пренесе во времето на легендарниот рокенрол период! Фронтменот на бендот, Алекс, има еден од најубавите и најслични гласови на Аxl Rose, па ќе имате чувство дека ги слушате самите Guns n Roses!

Легендарните Прљаво Казалиште со хитовите кои го одбележаа југословенскиот new wave: „Mi plešemo“, Crno-bijeli svijet“, „Sve je lako kad si mlad“, „Marina“ и десетици други песни кои ги знаат неколку генерации од овие простори во петок ќе ги забавуваат скопјани.

Четвртокот е хип-хоп ден со Boogiman, Mawrteen и Тони Зен, а саботите за диско забава со Dj Branchez и Dj Bobi.