Објавени номинациите за наградите BAFTA
Британската академија за филмска и телевизиска уметност (БАФТА) ги објави номинациите за награди во 2022 година, а водечки филмови се „Dune“ со 11 номинации, „The Power of the Dog“ со 8 и „Belfast“ со шест номинации.
Лејди Гага и Бенедикт Камбербач ќе се борат за награди за најдобар актер и актерка, заедно со новодојдените Коди Смит-Мекфи, Аријана ДеБозе и Адел Ахтар.
Иако филмот „Dune“ доби номинации во повеќето технички категории, тој беше номиниран и за најдобар филм, заедно со „Belfast“, „Don’t Look Up“, „Licorice Pizza“ и „The Power of the Dog“.
Церемонијата ќе се одржи на 13 март во лондонскиот „Royal Albert Hall“, а актерката Ребел Вилсон ќе ја има улогата на водител на настанот.
Целосната листа може да ја погледнете тука.
