Сцена
Оскари 2025: Филмот „Emilia Pérez“ номиниран во 13 категории
Академијата за филмски уметности и науки ги објави номинациите за 97. Оскари. Објавувањето на овогодинешните номинации за Оскар беше два пати одложувано поради смртоносните шумски пожари кои беснеат во Лос Анџелес.
Филмот „Emilia Pérez“ на францускиот режисер Жак Аудиар доби најмногу, вкупно 13 номинации за Оскар, вклучувајќи за најдобар филм, најдобар режисер (Жак Аудиар), најдобра актерка (Карла Софија Гаскон) и најдобра споредна женска улога (Зои Салдања). Овој филм влезе во историјата како филм од неанглиско говорно подрачје со најмногу номинации.
Актерката Карла Софија Гаскон исто така влезе во историјата на Оскар со тоа што стана првата трансродова личност која е номинирана во која било актерска категорија.
„The Brutalist“, филм за преживеан од Холокаустот кој го брка американскиот сон и „Wicked“ собраа по десет номинации.
Биографскиот филм на Џејмс Манголд за Боб Дилан „A Complete Unknown“ доби шест номинации, како и „Conclave“ на Едвард Бергер.
Во главната категорија, од десет номинирани филмови, само еден беше режиран од жена, а тоа беше контроверзниот хорор филм „The Substance“ на Корали Фарж.
Хрватскиот филм „Човекот кој не можеше да молчи“ доби номинација за Оскар за најдобар краток игран филм. Во режија на Небојша Слијепчевиќ, овој филм освои Златна палма на ланскиот Кански фестивал.
Доделувањето на Оскарите треба да се одржи во недела, на 2 март, во театарот Долби во Холивуд. Домаќин ќе биде Конан О’Брајан.
Номинациите во главните категории:
Најдобар филм
Anora
The Brutalist
A Complete Unknown
Conclave
Dune: Part Two
Emilia Pérez
I’m Still Here
Nickel Boys
The Substance
Wicked
Најдобра актерка во главна улога
Синтија Ериво во Wicked
Карла Софија Гаскон во Emilia Pérez
Мајки Медисон во Anora
Деми Мур во The Substance
Фернанда Торес во I’m Still Here
Најдобар актер во главна улога
Адриен Броди во The Brutalist
Тимоти Шаламе во The Complete Unknown
Колман Доминго во Sing Sing
Рејф Фајнс во Conclave
Себастијан Стен во The Apprentice
Најдобра актерка во споредна улога
Моника Барбаро во A Complete Unknown
Аријана Гранде во Wicked
Фелисити Џонс во The Brutalist
Изабела Роселини во The Conclave
Зои Салдања во Emilia Pérez
Најдобар актер во споредна улога
Јура Борисов во Anora
Киран Калкин во A Real Pain
Едвард Нортон во Complete Unknown
Гај Пирс во The Brutalist
Џереми Стронг во The Apprentice
Најдобра режија
Шон Бејкер – Anora
Бреди Корбет – The Brutalist
Џејмс Манголд – The Complete Unknown
Жак Аудиар – Emilia Pérez
Корали Фарж – The Substance
Комплетната листа на номинирани можете да ја погледнете тука.
