Сцена
Почина актерот Леонард Нимој
Американскиот актер Леонард Нимој, познат по улогата на др. Спок во научнофантастичната тв серија „Ѕвездени патеки“, почина денеска во 83-та година од животот.
Смртта настапи во неговиот дом во Лос Анџелес по повеќегодишната борба со хронична опструктивна белодробна болест.
Нимој минатата година напиша на Твитер дека престанал да пуши уште пред 30 години, но „тоа не било доволно рано“.
Освен што се занимавал со глума, Нимој режирал повеќе филмови, пишувал проза и поезија, се занимавал и со фотографија и музика.
