Познат датумот на премиерата на најскапиот филм на Нетфликс
„Red Notice“ – најскапиот снимен филм на Нетфликс досега, ќе ја има својата премиера на оваа платформа на 12 ноември.
Оваа вест ја објави глумецот Двејн Џонсон, една од ѕвездите на филмот.
Филмот ја следи приказната за агент на ФБИ (Двејн Џонсон) и двајцата ривали криминалци (Гал Гадот и Рајан Рејнолдс) кои ги обединува еден крабеж. Насловот на филмот се однесува на знак за алармирање кој Интерпол го користи кога пронаоѓа најпознати и најбарани криминалци во светот.
Нетфликс за овој филм издвои 200 милиони долари буџет, што е досега најголем влог на таа продуцентска куќа и стрим-платформа.
