Рики Мартин посети сириски бегалци во Либан

Светски познатиот пејач Рики Мартин, кој е и амбасадор на добра волја на УНИЦЕФ, вчера посети  камп на сириски бегалци во Либан, каде што се сретна со сириски деца, соопштија американските медиуми.

Тој изјави дека зборот „бегалец” се обезвреднил деновиве, но светската заедница треба да ги отвори срцата за овие луѓе.

Порториканецот, чија добротворна активност е насочена против детскиот труд и трговијата со луѓе, рече дека бил длабоко потресен од средбата со едно од децата во кампот во долината Бека: Единаесетгодишната Батул, која по 12 часа на ден работи земјоделството, ја плаќаат со вода.

– Ова се случува со нашите деца, тоа се случува со нашето следно поколение, истакна пејачот.