Адријана Лима е бремена: Со забавно видео на TikTok ја објави веста
Бразилскиот супермодел и актерка Адријана Лима, одлучи да влезе во светот на TikTok, откривајќи им на своите фанови дека го чека своето трето дете уште во својата прва објава.
-Андре сака да ме плаши … насекаде – вака го започнува Лима (40) видеото, пред да сподели серија клипови кои ги прикажуваат различните моменти кога ја исплашил.
-Во маркет, во бањата, во музејот, во куќата, на одмор, пред излегување, во градината … и минатата ноќ!
-Но, денес е ден за враќање – додава манекенката на Викторија Сикрет додека го покажува позитивниот тест за бременост.
@adrianalima ♬ (Your Love Keeps Lifting Me) Higher & Higher – Jackie Wilson
Лима потоа ги носи своите обожаватели во спалната соба, каде нејзиното момче, филмскиот продуцент Андре Лемерс е виден во кревет. Кога таа му го покажува тестот за бременост, тој упатува бесценет поглед кон камерата.
-Доаѓа есен 2022 година – го заклучува таа видеото заедно со емотиконите за бебиња.
Лима, најдолготрајниот модел на Викторија Сикрет (од 1999 до 2018 година), е во емотивна врска со Лемерс од минатата година, а своето прво појавување во јавноста како пар го имаа на Венецијанскиот филмски фестивал.
Ова ќе биде нивното прво заедничко дете.
Манекенката веќе има две деца – ќерките Валентина (12) и Сиена (9) кои ги дели со поранешниот сопруг Марко Јариќ.
