Бремената Ријана на ревија во Париз пристигна само во долна облека
Ријана (34) за време на бременоста не се откажа од препознатливиот секси имиџ, а на ревијата на Диор на модната недела во Париз, ги привлече сите погледи со уште една провокативна комбинација на облека.
Пејачката ревијата ја следеше од првиот ред, облечена во целосно проѕирен фустан од тул од Диор, под кој носеше само црна долна облека од тантела.
Таа го истакна својот труднички стомак над кој носеше кожен ремен, а стајлингот го надополни со црно кожено палто и кожени чизми со високи потпетици.
Британскиот Вог ја прогласи оваа модна комбинација за „најсензационалното бремено издание досега“ на Ријана, но многу корисници на социјалните мрежи не се согласуваат.
Инаку, 34-годишната пејачка го очекува своето прво дете со партнерот, раперот A$AP Rocky.
