Шоубиз
„Бруталист“ и „Емилија Перез“ триумфираа на Златните глобуси
Златните глобуси се првата голема церемонија во годината со што официјално започнува сезоната на доделување награди. Ники Глејзер беше домаќин на 82-то доделување на наградите Златен глобус во хотелот Беверли Хилтон во неделата, на 5 јануари.
Два извонредно смели филма – 215-минутниот повоен еп „The Brutalist“ на Брејди Корбеt и транс-мјузиклот на шпански јазик „Emilia Perez“ на Жак Аудиар – ги освоија главните почести на 82-от Златен глобус.
„The Brutalist“, кој влезе во ноќта со седум номинации, заработи три признанија. Адриен Броди го однесе својот прв Златен глобус за неговата главна улога, Брејди Корбет, кој исто така беше и ко-сценарист на филмот, доби награда за најдобар режисер и филмот на крајот ја презеде титулата за најдобар драмски филм.
„Emilia Perez“ заработи 10 номинации, најмногу од кој било филм, а освои награди за најдобар филм комедија или мјузикл, најдобра споредна женска улога за Зои Салдања, најдобра песна („El Mal“) и најдобар филм од неанглиско говорно подрачје.
„Conclave“, трилерот фокусиран на изборот на нов папа, заработи шест номинации и доби Златен глобус за најдобро сценарио.
Деми Мур ја освои наградата за најдобра актерка во мјузикл или комедија за нејзината главна улога во „The Substance“. Наградата за најдобра актерка во филмска драма ѝ припадна на Фернанда Торес за улогата во филмот „I’m Still Here“, додека за најдобар актер во комедија или мјузикл му припадна на Себастијан Стен за „A Different Man“. Наградата за најдобра споредна машка улога ја доби Киеран Калкин во филмот „A Real Pain“.
За најдoбро кинематографско и боксофис остварување, Златен глобус доби мјузиклот „Wicked“, за најдобра драмска ТВ серија „Shogun“, за најдобра хумористична/музичка серија „Hacks“.
Целосната листа на победници може да ја погледнете тука.
