Шоубиз
Има ли проблеми во бракот на Бритни Спирс и Сем Асгари?
Американската поп-ѕвезда Бритни Спирс (41) отпатува на Хаваи со својот долгогодишен пријател и менаџер Кејден Хадсон, додека нејзиниот сопруг Сем Асгари го оставила во Лос Анџелес.
Меѓутоа, британскиот Дејли Мејл истакнува дека постојат гласини дека бракот на Спирс и Асгари е на работ да се распадне, откако двојката била забележана без бурми на прстите. Наводно, Сем бил виден без прстен, додека Бритни го извадила својот пред да отпатува на Хаваи со Хадсон.
Двојката, која се венчаше во 2022 година, наводно се соочува со проблеми во бракот и Бритни избегала на Хаваи за да се одмори од нив. Спирс објави слики и видеа од Хаваи на својот Инстаграм профил, каде што е заедно со Хадсон.
Фановите се загрижени за нејзиното здравје и среќа, особено откако таа била поврзана со инцидент во ресторан во Лос Анџелес.
