Меган Маркл гостува во шоуто на Елен (ВИДЕО)
Елен Деџенерис во четврток ќе емитува изненадувачко интервју со Меган Маркл.
„Шоуто на Елен Деџенерис“ денес објави видео од епизодата, во кое Деџенерис и Маркл разговараат за раните денови на поранешната ѕвезда од „Suits“ како актерка.
Војвотката од Сасекс ќе се појави во ток-шоуто во четврток, а сега е објавен мал поглед на нејзиниот разговор со Деџенерис каде Меган се присетува на одењето на аудиции во истите студија на Ворнер Брос кога работела како актерка пред да го запознае принцот Хари.
-Чуварите секогаш велеа: „Скрши нога! Се надеваме дека ќе ја добиеш улогата!“. Но, возењето тука денес беше многу различно – и рекла Меган (40) на Елен, кој веќе некое време е и нејзин сосед во Монтесито.
Кога Деџенерис ја праша Меган дали чуварите ја познавале бидејќи често одела на аудиции, таа одговорила:
-Мислам дека веројатно на сите им велеа исто. Тие беа само фини со нас.
A lot has changed since the last time Meghan, The Duchess of Sussex, was on the Warner Brothers lot. Don’t miss the rest of our interview tomorrow. pic.twitter.com/pBihJLf0um
— Ellen DeGeneres (@TheEllenShow) November 17, 2021
Раскажала и дека некогаш возела стар автомобил Форд Експлорер Спорт во кој не можела да влезе бидејќи вратата не функционирала, па вели дека во автомобилот влегувала низ багажникот.
Интервјуто на Меган со Деџенерис го означува нејзиното прво појавување во ток-шоу откако се омажи за принцот Хари и му се придружи на кралското семејство. Минатиот март, Меган и Хари седнаа со Опра Винфри на искрен разговор за нивната одлука да се повлечат од улогите како членови на кралското семејство и нивниот нов живот во Калифорнија.
