MTV EMA 2023: Тејлор Свифт ги предводи номинациите за европските музички награди на МТV

Овогодинешното шоу се враќа во Париз за прв пат од 1995 година, а ќе се одржи во недела, на 5 ноември.

Номинациите за MTV EMA наградите за 2023 година пристигнаа, а селекцијата исполнета со ѕвезди сигурно ќе го направи настан кој не смее да се пропушти!

Оваа година, Тејлор Свифт се најде на врвот на листата со импресивни вкупно седум номинации, вклучително и за најдобар изведувач, за најдобра песна и за најдобро видео. Во меѓувреме, Оливија Родриго и СЗА се веднаш зад неа со по шест номинации – исто така во главните три категории.

Во меѓувреме, повеќекратни номинации обезбедија и Doja Cat, Ники Минаж, Мајли Сајрус и Måneskin. Оваа година, исто така, ги прикажува новите таленти со 26 за прв пат номинирани кандидати.

Годишната, глобална прослава на музиката ќе се одржи оваа година во познатата француска изложбена сала Paris Nord Villepinte, што го означува првото враќање на шоуто во Париз од 1995 година.

Гласањето е отворено за фановите на веб-страницата на MTV EMA до 31 октомври. Сепак, категоријата за  „најдобрите фанови“ и „најдобра група“ ќе бидат одлучени преку гласовите на социјалните мрежи на страниците на шоуто, а победникот за „најдобро видео“ ќе го одлучи MTV.

Шоуто, исто така, содржи најдобри категории на локални артисти, истакнувајќи уметници од различни региони ширум светот, а обожавателите во секоја област можат да гласаат за победниците на веб-страницата на MTV EMA.

MTV EMA наградите за 2023 година треба да се одржат во недела, на 5 ноември, и ќе се емитуваат во живо на MTV во повеќе од 150 земји низ целиот свет.

Погледнете ја целосната листа на номинирани тука.