Наоми Кембел првпат на насловна страница со ќерката: „Не е посвоена, таа мое дете! “
Британскиот модел Наоми Кембел (51) и нејзината деветмесечна ќерка заедно позираа за насловната страница на британското издание на магазинот „Vogue“. „Таа не е посвоена, таа е моја ќерка“, објаснила Кембел.
Наоми Кембел позираше за насловната страница на мартовскиот „Vogue“ со својата деветмесечна ќерка.
Освен преку една објава на Инстаграм која минатата година накратко ја објави и потоа ја избриша, Кембел јавно не зборуваше за своето искуство како мајка.
Кембел ни сега не сакаше да го коментира минатото на бебето, но за Vogue изјави дека детето не е посвоено и дека тоа е нејзината ќерка.
-Не е посвоена, таа е моја ќерка – кратко и јасно изјави манекенката која откри дека сите сочни детали ги чува за својата книга која допрва треба да почне да ја пишува.
Наоми одлучила името на својата ќерка да го зачува во тајност, а открила дека многу малку луѓе знаеле дека таа планира да се оствари како мајка.
– На една рака може да ги набројам луѓето кои знаеја дека ја имам. Таа е најголемиот благослов кој некогаш можев да го замислам. Таа е најдобрата работа која некогаш сум ја направила – рекла гордата мајка.
